ಸರ್ಕಾರಿ ಮಾದರಿ ಶಾಲೆ, ವಿಟ್ಲ

 

ಕಾಣುತ್ತಿದೆ ಹತ್ತಾರು ದೇವರಿರುವ ದೇಗುಲ

ಹಾರೈಸುತ್ತಿದೆ ಎಲ್ಲರಿಗೂ ಶುಭಮಂಗಳ

ಇಲ್ಲವೇ ಇಲ್ಲ ಬಂಧುವಲ್ಲವೆಂಬ ತಿರಸ್ಕಾರ

ಎಲ್ಲರಿಂದಲೂ ಪಡೆಯುತ್ತಿದೆ ಲಕ್ಷ ನಮಸ್ಕಾರ||

ಹುರುಪು ಪ್ರೋತ್ಸಾಹ ಸ್ವಾರಸ್ಯದ ಕಳೆ

ವಿದ್ಯೆ, ಶಿಸ್ತು, ತಾಳ್ಮೆಗಳನ್ನು ಕಲಿಸುವ ಶಾಲೆ 

ಕೀರ್ತಿ ಪತಾಕೆಗಳನ್ನು ಹಾರಿಸುತ್ತಿರುವುದು

ಚಂದ್ರನಂತೆ ಕಾಂತಿ ಬೀರಿ ಬೆಳಗುತಿರುವುದು||

ಬೆಳಗುತ್ತಿದೆ ಇಲ್ಲಿಂದ ನೂರಾರು ಜ್ಯೋತಿ

ಶಿಕ್ಷೆ ಇಲ್ಲದ ಶಿಕ್ಷಣದಿ ಮೂಡುತ್ತಿದೆ ಕ್ರಾಂತಿ

ಸಾಕಾಗದು ಈ ಶಾಲೆಗೆ ನೂರಾರು ನಮನ

ಆಗುತ್ತಿದೆ ಅವಿದ್ಯೆ ಎಂಬ ರೋಗ ಶಮನ||

ವಿದ್ಯಾಧಿದೇವತೆ ಸರಸ್ವತಿ ಮಾತೆಯು

ನೆಲೆಸಿಹ ಸುಂದರ ಸರ್ಕಾರಿ ಮಾದರಿ ಶಾಲೆಯು

ಗುರುಗಳ ಪಾಠವು ,ಮಕ್ಕಳ ಒಡನಾಟವೂ 

ಒಂದೆಡೆ ದೊರೆಯುವ ತಾಣವಿದು||

ಶಾಲೆಗೆ ಬರುವ ಹೋಗುವ ಸಮಯದಿ

ಮಾರ್ಗದ ಬದಿಯಲಿ ಮಕ್ಕಳ ದಿಬ್ಬಣ

ಶಿಸ್ತಿನ ಇರುವೆ ಸಾಲುಗಳಂತೆ

ವರ್ಣಿಸಲು ಪದಪುಂಜ ಸಾಲದು||

ತರತರ ಬಣ್ಣದ ಚಿಟ್ಟೆ ಗಳಂತೆ

ಕಣ್ಮನ ಸೆಳೆಯುವ ವೇಷಗಳಿಲ್ಲ

ಯಾರೇ ಆದರೂ ಹೇಗೇ ಇದ್ದರೂ 

ಸಮವಸ್ತ್ರ ಧರಿಸುತಲಿ 

ಒಂದೇ ಕನ್ನಡ ಮಾತೆಯ ಮಕ್ಕಳು

 ನಾವು ಸಮಾನರು ಏನ್ನುತಲಿ

ಬೇಧ _ಭಾವ 'ವ ಮಾಡದೇ ಇಲ್ಲಿ

ಕಲಿಯುತ ಮುಂದಕೆ ಮಕ್ಕಳು  ಸಾಗುವರು ||

ಉತ್ತಮ ಶಿಕ್ಷಣ ನೀಡುವ ಪರಿಣತಿ ಶಿಕ್ಷಕರಿಹರು       

         ಸಾವಿರಾರು ಮಕ್ಕಳು ಇಲ್ಲಿ ಕಲಿತಿಹರು

ಇಂದು ಉನ್ನತ ಹುದ್ದೆನ್ನೇರಿಹರು

ಸದಾ ಈ ಶಾಲೆಯನ್ನು ಮನದಲ್ಲೇ ನೆನೆಯುವರು||

    ಚಿರಕಾಲ ಉಳಿಯಲಿ, ಬೆಳೆಯಲಿ 

ಸದಾ ಅಭಿವೃದ್ಧಿ ಹೊಂದಲಿ

ಈ ಶಾಲೆಯೂ.

ಅನ್ನೋದೇ ನನ್ನ ಮನದ ಆಶಯವು||

✍️ಸಂಧ್ಯಾ ಕುಮಾರಿ, ಎಸ್ ವಿಟ್ಲ.