ಕಾಸರಗೋಡು ಜಿಲ್ಲಾಧಿಕಾರಿಯಾಗಿ ಭಂಡಾರಿ ಸ್ವಾಗತ್ ರಣ್‌ವೀರ್ ಚಂದ್ ಪದಗ್ರಹಣ

ಕಾಸರಗೋಡು: ಕಾಸರಗೋಡು ಜಿಲ್ಲಾಧಿಕಾರಿಯಾಗಿ ಭಂಡಾರಿ ಸ್ವಾಗತ್ ರಣ್ವೀರ್ ಚಂದ್ ಅವರು ಮಂಗಳವಾರ ಪದಗ್ರಹಣ ಮಾಡಿದ್ದಾರೆ.

ಜಿಲ್ಲೆಯ ಪ್ರಥಮ ಮಹಿಳಾ ಜಿಲ್ಲಾಧಿಕಾರಿ ಇವರಾಗಿದ್ದಾರೆ. 2010ರ ಐಎಎಸ್ ಬ್ಯಾಚ್ ನ 69ನೇ ರ‍್ಯಾಂಕ್‌ ಪಡೆದಿರುವ ಇವರು ಮಹಾರಾಷ್ಟ್ರ ಮೂಲನಿವಾಸಿಯಾಗಿದ್ದಾರೆ. ಅಮೆರಿಕಾದ ಮಿಷಿಗನ್ ವಿವಿಯಿಂದ ಬಿಝಿನೆಸ್ ಅಡ್ಮಿನಿಸ್ಟ್ರೇಷನ್‌ನಲ್ಲಿ ಸ್ನಾತಕೋತ್ತರ ಪದವಿ, ಇಂದಿರಾಗಾಂಧಿ ನ್ಯಾಷನಲ್ ಮುಕ್ತ ವಿವಿಯಿಂದ ಪಬ್ಲಿಕ್ ಪಾಲಿಸಿಯಲ್ಲಿ ಸ್ನಾತಕೋತ್ತರ ಪದವಿ, ಮುಂಬಯಿ ವಿವಿಯಿಂದ ಇಲೆಕ್ಟ್ರಾನಿಕ್ಸ್ ಇಂಜಿನಿಯರಿಂಗ್‌ನಲ್ಲಿ ಪದವಿ ಪಡೆದಿದ್ದಾರೆ.

ಈ ಹಿಂದೆ ಉದ್ಯಮ ಇಲಾಖೆಯಲ್ಲಿ ನಿರ್ದೇಶಕಿಯಾಗಿದ್ದ ಇವರು ಈಗ ಕಾಸರಗೋಡು ಜಿಲ್ಲಾಧಿಕಾರಿಯಾಗಿ ಆಗಮಿಸಿದ್ದಾರೆ. ಅದಕ್ಕೂ ಮುನ್ನ ಕೇರಳ ಮಿಲ್ಕ್ ಸಹಕಾರಿ ಮಾರ್ಕೆಟಿಂಗ್ ಫೆಡೆರೇಷನ್ ಲಿ.ಯ (ಮಿಲ್ಮಾ) ಆಡಳಿತೆ ನಿರ್ದೇಶಕಿ, ಯೋಜನೆ ಹಣಕಾಸು ಇಲಾಖೆ ಸಹಾಯಕ ಕಾರ್ಯದರ್ಶಿ, ಪರಿಶಿಷ್ಟ ಪಂಗಡ ಇಲಾಖೆ ನಿರ್ದೇಶಕಿ, ಫೋರ್ಟ್ ಕೊಚ್ಚಿ ಉಪಜಿಲ್ಲಾಧಿಕಾರಿ ಇತ್ಯಾದಿ ಪದವಿಗಳಲ್ಲಿ ಕರ್ತವ್ಯ ಸಲ್ಲಿಸಿದ್ದರು.

ದಿ.ರಣ್ವೀರ್ ಚಂದ್ ಭಂಡಾರಿ-ಸುಷ್ಮಾ ಭಂಡಾರಿ ದಂಪತಿ ಪುತ್ರಿ. ಇವರ ಪತಿ ನಿಕುಂಜ್ ಭಗತ್‌ ತಿರುವನಂತಪುರಂ ಶ್ರೀಚಿತ್ರಾ ಇನ್ಸ್ ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸಯನ್ಸ್ ಆಂಡ್ ಟೆಕ್ನಾಲಜಿಯ ನ್ಯೂರಲ್ ಇಂಜಿನಿಯರ್ ಆಗಿದ್ನಿದಾರೆ. ವಿಹಾನ್ ಮತ್ತು ಮಿರಾಲ್ ಮಕ್ಕಳಾಗಿದ್ದಾರೆ.

Key Words: Kasaragod DC, Bhandari Swagath Ranveer Chand, First woman district collector of Kasaragod, ಕಾಸರಗೋಡು ಜಿಲ್ಲಾಧಿಕಾರಿ,

(ಉಪಯುಕ್ತ ನ್ಯೂಸ್)

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ