ಬೆಂಗಳೂರು ; ತಂದೆ ಮತ್ತು ಮಲತಾಯಿ ಸೇರಿ ಪುಟಾಣಿ ಮಕ್ಕಳಿಗೆ ಚಿತ್ರಹಿಂಸೆ

 

ಬೆಂಗಳೂರು: ತಂದೆ ಹಾಗೂ ಮಲತಾಯಿ ಜೊತೆ ಸೇರಿಕೊಂಡು ಮೊದಲ ಹೆಂಡತಿ ಮಕ್ಕಳಿಗೆ ಚಿತ್ರಹಿಂಸೆ ನೀಡುತ್ತಿದ್ದ ಘಟನೆ ನಡೆದಿದೆ. 

ತಮಿಳು ನಾಡು ಮೂಲದ ಸೆಲ್ವನ್ ಮತ್ತು ಸತ್ತಯಾ ದಂಪತಿ ಈ ರೀತಿಯ ವರ್ತನೆ ಮಾಡುತ್ತಿದ್ದು, ಇದೀಗ ಆರೋಪಿಗಳನ್ನು ಬಂಧಿಸಲಾಗಿದೆ.

ಸೆಲ್ವನ್ ಮೊದಲ ಪತ್ನಿಗೆ ಮೂರು ಮಕ್ಕಳಿದ್ದು, ಕೆಲ ವರ್ಷಗಳ ಹಿಂದೆ ಆಕೆ ಮೃತಪಟ್ಟಿದ್ದರು. ಮತ್ತೆ ಎರಡನೇ ಮದುವೆಯಾಗಿದ್ದ ಸೆಲ್ವನ್​ಗೆ ಮತ್ತೆರಡು ಮಕ್ಕಳು ಜನಿಸಿದ್ದರು.

ಇದೀಗ ಮಲತಾಯಿ ಹಾಗೂ ತಂದೆ ಸೆಲ್ವನ್​ ಸೇರಿಕೊಂಡು ಮೊದಲ ಪತ್ನಿಯ ಪುಟಾಣಿ ಮಕ್ಕಳಿಗೆ ಚಿತ್ರಹಿಂಸೆ ನೀಡಲು ಆರಂಭಿಸಿದ್ದರು. 

ಮಕ್ಕಳ ಕಾಲಿನ ಚರ್ಮ ಸುಲಿದು, ಬಿಸಿನೀರು ಎರಚಿ ಕೆಟ್ಟ ವಿಕೃತಿ ಮೆರೆದಿದ್ದಾರೆ.

ಬ್ಲೇಡ್​, ಚಾಕು, ಸ್ಕ್ರೂಡ್ರೈವರ್ ,ಸುತ್ತಿಗೆಯಿಂದ ಮಕ್ಕಳ ಮೇಲೆ ಭಯಾನಕವಾಗಿ ಹಲ್ಲೆ ನಡೆಸಿದ್ದಾರೆ.

 ಇದನ್ನೆಲ್ಲಾ ಕಂಡ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.