ಕಡಬ; ಎರಡು ವಾಹನಗಳ ನಡುವೆ ಅಪಘಾತ; 4 ವರ್ಷದ ಬಾಲಕ ಮೃತ್ಯು

 

ಕಡಬ: ಆಟೋ‌ ರಿಕ್ಷಾ ಮತ್ತು ಪಿಕಪ್ ನಡುವೆ ನಡೆದ ಅಪಘಾತದಲ್ಲಿ 4 ವರ್ಷದ ಬಾಲಕ ಮೃತಪಟ್ಟ ಘಟನೆಯೊಂದು ಪಂಜ‌ ರಸ್ತೆಯ ಕೋಡಿಂಬಳ ಎಂಬಲ್ಲಿ ನಡೆದಿದೆ.

ನವೀನ್ ಎಂಬವರ ಪುತ್ರ ಹಾರ್ದಿಕ್(4) ಮೃತ ಬಾಲಕ. ಈತ‌ ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದು, ಕಡಬದಲ್ಲಿ ಪ್ರಾಥಮಿಕ ಚಿಕಿತ್ಸೆ ನೀಡಿ ಪುತ್ತೂರು ಆಸ್ಪತ್ರೆಗೆ‌ ಸಾಗಿಸುವಾಗ ಮೃತಪಟ್ಟಿದ್ದಾನೆ.

ಕಡಬ ದಿಂದ ಕೋಡಿಂಬಳ ಕಡೆಗೆ ತೆರಳುವ ರಿಕ್ಷಾಗೆ ಕೋಡಿಂಬಳ ಸಮೀಪ‌ ಪಿಕಪ್ ವಾಹನ‌ ಢಿಕ್ಕಿಯಾಗಿ ಅವಘಡ ಸಂಭವಿಸಿದೆ. 

ಘಟನಾ ಸ್ಥಳಕ್ಕೆ ಪೊಲೀಸರು ತೆರಳಿ ಪರಿಶೀಲನೆ ನಡೆಸಿದ್ದಾರೆ