ಶ್ರೀರಾಮ ಮಹಾವಿದ್ಯಾಲಯ

 

ಕಾಣುತ್ತಿದೆ ಹತ್ತಾರು ದೇವರಿರುವ ದೇವಾಲಯ

ಪಾಲಿಸುತ್ತಿದೆ ಭಾರತೀಯ ಸಂಪ್ರದಾಯ

ಎಲ್ಲರೂ ಪೂಜಿಸುವರು ಇಲ್ಲಿ  ಸರಸ್ವತಿ ಮಾತೆಯ

ಅದುವೇ ಕಲ್ಲಡ್ಕ ಶ್ರೀರಾಮ ಮಹಾವಿದ್ಯಾಲಯ||

ಸುತ್ತಲೂ ಹಚ್ಚ ಹಸುರಿನ ಪರಿಸರ

ಎಲ್ಲರಿಂದಲೂ ಪಡೆಯುತ್ತಿದೆ ಲಕ್ಷ ಲಕ್ಷ ನಮಸ್ಕಾರ

ವಿದ್ಯೆ, ಶಿಸ್ತು, ತಾಳ್ಮೆಯನ್ನು ಕಲಿಸುವ ವಿದ್ಯಾಲಯ

ಕಾಣಬಹುದು ಇಲ್ಲಿ ಸುಸಜ್ಜಿತ ಗ್ರಂಥಾಲಯ||

ಬೆಳಗುತ್ತಿದೆ ಇಲ್ಲಿಂದ ನೂರಾರು ಜ್ಯೋತಿ

ಹಲವಾರು ವಿದ್ಯಾರ್ಥಿಗಳು ಸಾಧನೆ ಮಾಡಿಹರು ವಿಶ್ವವ್ಯಾಪಿ

ಸಾಕಾಗದು ಈ ವಿದ್ಯಾಕೇಂದ್ರಕ್ಕೆ ನೂರಾರು ನಮನ

ಆಗುತ್ತಿದೆ ಅವಿದ್ಯೆ ಎಂಬ ರೋಗ ಶಮನ||

ಎತ್ತ ನೋಡಿದರೂ ರಾಮಾಯಣ_ ಮಹಾಭಾರತ ಸ್ವಾತಂತ್ರ್ಯ ಹೋರಾಟಗಾರರ ಹೆಸರುಗಳು

ವಿದ್ಯಾರ್ಥಿಗಳ ಉಜ್ವಲ ಭವಿಷ್ಯಕ್ಕೆ ಸದಾಕಾಲ ಶ್ರಮಿಸುವ ಗುರುವೃಂದದವರು

ಅಚ್ಚುಕಟ್ಟಾಗಿ ನಡೆಯುವ ಬೆಳ್ಳಗ್ಗಿನ ಸರಸ್ವತಿ ವಂದನ

ಅದ ನೋಡಲು ಸಾಲದು ಎರಡು ನಯನ||

ನೀಡುವರು ಶಿಕ್ಷಣದ ಜೊತೆಗೆ ಸಂಸ್ಕೃತಿ ಗೆ ಪಾಶಸ್ತ್ಯ

ಇದು ಇಂದಿನ ಶಿಕ್ಷಣದಲ್ಲಿ ಬಹಳ ಅಗತ್ಯ

ವಿವಿಧ ಕಾರ್ಯಕ್ರಮಗಳು ನಡೆಯುವುದು ಪ್ರತಿದಿನ

ಇದರಿಂದ ಹೆಚ್ಚಾಗುವುದು ನಮ್ಮ ಜ್ಞಾನ||

ಹಿರಿಯರಲ್ಲಿರುವ ತಾಳ್ಮೆ, ವಿಧೇಯತೆಯೇ ಎಲ್ಲರಿಗೂ ಸ್ಪೂರ್ತಿ

ರಾಷ್ಟಾದಂತ್ಯ ಹಬ್ಬಲಿ ಈ ಮಹಾವಿದ್ಯಾಲಯದ ಕೀರ್ತಿ

ಚಿರಕಾಲ ಅಭಿವೃದ್ಧಿ ಹೊಂದುತ್ತಿರಲಿ ಈ ಮಹಾವಿದ್ಯಾಲಯ

ಸದಾ ಇರಲಿ ಈ ವಿದ್ಯಾಸಂಸ್ಥೆಯ ಮೇಲೆ ಶ್ರೀ ರಾಮನ ಆಶೀರ್ವಾದ||

✍️ಸಂಧ್ಯಾ ಕುಮಾರಿ ಎಸ್, ವಿಟ್ಲ

ಅರ್ಥಶಾಸ್ತ್ರ ಉಪನ್ಯಾಸಕಿ,

ಶ್ರೀರಾಮ ಪ್ರಥಮ ದರ್ಜೆ ಕಾಲೇಜು, ಕಲ್ಲಡ್ಕ