ಚಿತ್ಪಾವನಿ ಭಾಷಾ ಕಂಪು: ಆಮ್ಮಧ್ಯಯಿ ತ್ಸೇರ ಹೋ ಗಂಪು

ಆಗ್ಗೊಠಿ ತ್ಸೋತು ಗೀಮ್ಹು ತ್ಸೋತು ಪಾಹಾಂತಾ ಉಠ್ಠುನಿ ತೋಂಡ ಧೋವೊನಿ ಜಾಲ ಮ್ಹಳೆ ಗಂಪುಲಾ ಥಾಳಿತ್ಚೊ ಇಂಧೋ ಹವೊಚಿ. ತೋಂಡ ಧೋವೊನಿ ಜಾಲ ಮ್ಹಳೆ  ಕಾಲು ಘಂಟೊ ತರಿ ಹೀವ ತಾಪ್ಪತಾಂಧಾಲಾಚಿ ತೇಲಾ ಸಮಾಧಾನ. ಇತ್ಲಕಾಂಧಾ ತೇಚಿ ಬಾಯ್ಯಾಕೊ ಕಾಪಿ ಕರ್ನಿ ' ಕಾಪಿ ಜಾಲಿ' ಮ್ಹಣಿ ಸಾದೈತಕ್ಷಣಿಚಿ ಗಂಪು ಉಠ್ಠವೆತ್ಚೊ. ಪಣ ಕಾಪಿ ಪ್ಯೆಂತಾಯಿ ಇಂಧೆಶಿಂಚಿ ಹೈವವ ತೇಲಾ. ಮಗ ಬಾಯ್ಯಾಕಾಚಿ ಚರ್ಫಡಿ ಆಯಿಕೊನಿಚಿ ಗಂಪು ಬಾಹೆರು ಜಾಯಿವೆಚೊ. ಜಾಂತಾ ಏಕಿ ಬೀಡಿ ವಿಸ್ತವಾತ್ಚೆ ಇಂಧಣಾಂಠಿ ಪೆಟ್ಟೊವ್ನಿ ತೊಂಡಾಲಾ ಠೇಯಿತಾಂಧಾ ಗಂಪುಚಿ ಪಾಹಾಂತಾಂಚಿ ದಿನಚರಿ ಶುರು ಮ್ಹಣಿ ಲೇಖ. ತಸೊ ಬಾಹೇರು ಖುರ್ಚಾವರಿ ಬೀಡಿ ಪೂರ್ತಿ ಒಢ್ನಿ ಹಸ್ತ ಮಧ್ಯ ಮಧ್ಯ ಖೊಖ್ಖಿತು ಆನಂದು ಪಾವಸಲೊ ಗಂಪು. 

ವಾಡ್ಯಾಂತು ಡೇವೊನಿ ಆಂಗ ಮೋಡ್ನಿ ಕಾಮ ಕರವೆಚೆ ಇತ್ಲ ಶರೀರಬಳ ನತ್ಲ ಗಂಪುಲಾ. ಪಣ ಕೆಲವು ಕಾಮ್ಮ ಭಾರಿ ಶಾಹಾಣ್ಪಣಾಂತು ಕರ್ಸಲೊ. ಉದಾಹರಣಾಲಾ ರೂಖು ತ್ಚಡವೆತ್ಚೆಂತು ಗಂಪು ಬಳ್ಕೊಟುಚಿ. ಪೊಫ್ಫಳಿ ಮಾಡು ತ್ಚಡವೆ ಜಾಲ ನಾಹಿತರಿ  ಕಸಲೆ ರೂಖ್ಖಾಲಾಯಿ ಕ್ಷಣಾ ಮಧ್ಯ ತ್ಚಡೊನಿ ಡೇವಸಲೊ. ಪಣಸ ಡೇವರವೆತ್ಚೆ ಹಂತು, ಪಾಲ್ಲೆಲಾ ಭಾಯ್ಯೊ ಖಾಂಡವೆತ್ಚೊ ಹಂತು ಅಥವಾ ರಿಂಗ್ಯ, ಓಂಟ, ಚೀಂಚ, ಆಂಬುಲ್ಯೊ, ಕಾಜ್ಜಾಂಬೆ ಕಾಡ್ಢವೆಚೆ ಹಂತು, ಚಾಂಪಿ ವೆಂಟವೆಚಿ ಹಂತು, ದಿವಕಡ್ಗ್ಯೊ ವೆಂಟವೆಚೊ ಹಂತು ಗಂಪುಲಾ ಆಪ್ಪದಾ ಮ್ಹಣಿ ಹಂತಿ ನತ್ಲಿ.  ರುಖ್ಖಾವರಿ ಉಂಬಿಲೆ, ಮುಂಗ್ಯೊ ತ್ಸಲ್ಯೊತರಿ ಗಂಪು ರುಖ್ಖಾಲಾ ತ್ಚಡ್ಲೊ ಮ್ಹಣಿ ಜಾಲತೆ ತೇಚ ಕಾಮ ಪೂರಾ ಹಂತಾನಾಹಿ ಡೇವತ್ನತ್ಲೊ.  ರುಖ್ಖಾಲಾ ತ್ಚಡತಾ ಗಂಪುತ್ಚ ನೆಸ್ಸಣೆಂತು ಕೆಲವು ವ್ಯತ್ಯಾಸ ತ್ಸಸಲೆ. ನೆಶ್ಯೆಲೆಲ ಮುಂಡಾಲಾ ಮಟ್ಪುನಿ ಮೊಟ್ಟೊ ಮುಂಡಾಸು ಬಾಂಧೊನಿ ಘೇವ್ನಿ ಖಾಂಧವೆಲ್ಲಿಲ ಬೈರಾಸಾಚಿ ಮೊಟ್ಟಿ ಕಾತ್ಸುಟಿ ಬಾಂಧೊನಿ ಘೆತ್ಲಿಂತೆ ರೂಖು ತ್ಚಡವೆಚಿ ತಯಾರಿ ಜಾಲಿ. ತೇಳಿನ ರುಖ್ಖಾಚೊ ಭಾಯ್ಯೊ ಖಾಂಡವೆಚೊ ಪಳಾವ್ವೆಚಂಚಿ ಏಕ ಸುರೇಖ. ಕೇಯಿ ಗಡಿಬಿಡಿ ನತ್ಸಂತಾ, ಭಾಯ್ಯೊ ಖಾಂಡಿತಾ ಡೆವ್ವೆಲಾ ಹಯಿರಶೊ ಭಾಯ್ಯಾಂತ್ಚ ಬೂಡ ಉರ್ವೊವ್ನಿ ರುಖ್ಖಾತ್ಚೆ ತೂರ್ಯಾಂತು ಏಕಿ ಭಾಯಿ ಉರ್ವೊವ್ನಿ ಗಂಪು ಜಾಗೃತಿಂತು ಖಾಲ್ತೊ ಡೇವತಾಂಧಾ ತೇ ದಿಸ್ಸಾಸ್ಚ ಕಾಮ ಜಾಲ. ಗಂಪು ಮ್ಹಣ್ಸಲೊ ಕೋಣ್ತೊಚಿ ರೂಖು ಖಾಂಡಿತಾ ಪೂರ್ತಿ ಭಾಯ್ಯೊ ಖಾಂಡ್ಯೆಲೊತೆ ಬ್ರಹ್ಮಹತ್ಯಾ ದೋಷು ಯೇತ್ಸೆ ಮ್ಹಣಿ. ಹಯಿಕಾ ನೊಹೆಕಾ ಪಣ ರುಖ್ಖಾವರಿ ಪೂರ್ತಿ ಪಾಲ್ಲೊ ನಾಹಿಸ್ಸೊ ಕೆಲ್ಲತೆ ರೂಖು ಮರವೆಲಾ ಸಾಧ್ಯತಾ ಅಂತು ಖಂಡಿತ ತ್ಸೆ.   

  

ತಸಂಚಿ ಪೊಪ್ಫಳ ತ್ಸೊಲ್ಲವೆಲಾಯಿ ಗಂಪು ಬಳ್ಳೊಟುಚಿ. ಪಾಹಾತಾಂಠಿ ಸಾಂಧವೇರಿ ತ್ಸೊಲ್ಲಿತು ತ್ಸಲೊತರಿ ಭಾಗ್ಗತ್ನತ್ಲ ತೇಲಾ. ಪಣ ದೋನಿ ಕಟ್ಟ ಬೀಡ್ಯೊ ಅನಿ ಘಡ್ಯಾ ಘಡ್ಯಾ ಕಾಪ್ಯಾತ್ಚ ಮಾತ್ರ ಲೇಖ ನತ್ಲ. ಮೊಬೈಲ್, ಟಿ.ವಿ.  ನತ್ಲೆಲೆ ತೇ ಕಾಳಾಂತು ಲಾಗ್ಗಿ ಏಕು ರೇಡಿಯೋ ಠೇವ್ನಿಘೇವ್ನಿ ತೇಚ ಕಾಮ ತೋ ಕರೀತು ತ್ಸಸಲೊ. ದುರ್ಬಳ್ಪಣಾಂತುಚಿ ಜೀವನ ಜಾತ್ಸಲ ತರಿ ಗಂಪು ಸ್ಥಿತಃಪ್ರಜ್ಞು. ಧಾಕ್ಕುಟೆಂಧಾ, ಬಾಯ್ಯಾಕಾಲಾ ಹುಶಾರಿ ನತ್ಲಿತರಿ ಅಥವಾ ತೇಲಾಚಿ ಅನಾರೋಗ್ಯ ತ್ಸಲತರಿ ಭಾರಿ ಕಾಳಜಿ ನತ್ಲಿ. ಆಯುಷ್ಯ ತ್ಸಲೆಲೊ ವಾಂಚಸೆ ಮ್ಹಣವೆತ್ಚ ಸಿದ್ಧಾಂತ ಗಂಪುಚ. ತೇಲಾ ಏಕ ಕಾರಣ ದುರ್ಬಳ್ಪಣಯಿ. ವೈದ್ಯಾಶಿ ಗೆಲ್ಲತೆ ಒಖ್ಖತಾಲಾ ದೇವೆಚೆ ಪೈಸೆಂಧಾಯಿ ತತ್ವಾರ ತ್ಸತಾ ಬಹುಷಃ ಗಂಪುಚಿ ಧೋರಣಚಿ ಸಮಾನ ತ್ಸೇರ. ಉತ್ಪತ್ತಿ ಉಣಿ ಹವ್ನಿ ಖರ್ಚು ಅತ್ಕಾವತಾಂಧಾ ಗಂಪುತ್ಚ ಸಿದ್ಧಾಂತಚಿ ಕಾಮ್ಮಾಲಾ ಯೇವೆತ್ಚ ಮ್ಹಣಿ ಸಾವ್ಡವೆಚಯಿ ಸಹಜಚಿ. ತಸಂಚಿ ಗಂಪುಲಾ ಭಾರಿ ಸ್ನೇಹಿತ ತ್ಸೋತು ವೈರಿ ತ್ಸೋತು ನತ್ಲೆಚಿ. ಆವ್ಘೆಂಧಾಯಿ ಸಮಭಾವಾಂತು ಪಳಾವ್ವೆತ್ಚೊಚಿ ತೇಚೊ ಸ್ವಭಾವು.  

ತಸಮ್ಹಣಿ ಗಂಪು ಕೋಣ್ತಿಚಿ ಆಸ ನತ್ಲೆಲೆ ಸನ್ಯಾಸಿಂಸಾರ್ಖೊಯಿ  ನೋಹೆ. ತೇಲಾಯಿ ಗಳೇಂತು ಭಾಂಗಾರಾತ್ಚ ಚೈನ ಘಾಲ್ಲವ, ಹಾತ್ಥಾಲಾ H. M.T. ವಾಚ ಬಾಂಧೊನಿ ಘೇವವ, ವಾಡ್ಯಾತ್ಚೆ ಕಾಮ್ಮಾಲಾ ವಿಲಾಯ್ತಿ ಖೋರ ಹಯಿವವ, ಫಿನ್ಲೆ ವೇಷ್ಟಿ ನೆಸ್ಸವಿ, ಹರ್ಕ್ಯುಲಿಸ್ ಸೈಕಲಾವರಿ ಭೊವ್ವವ, ಬೆಂಗಳೂರು ಸಾರ್ಖಲೆ ಶಹರಾಂಧಾಯಿ ಜಾಯಿವವ, ಧಾಕ್ಕುಟೆಂಧಾ ಕಾಲೇಜಾಲಾ ಧಾಡವಿ.... ಅಸ ಆವ್ಘ ತ್ಸಲತರಿ ದುರ್ಬಳ್ಪಣ ಮ್ಹಣವೆತ್ಚ ದಿಸ್ಸಾಂದ್ಯೋಸು ಅಧಿಕಚಿ ಜಾಲ ಮಾತ್ರ ನೊಹೆ ಮನುಷ್ಯಾಯಿ ಜೆವ್ವೆತ್ಚ ಜೇವಣ ಕರವೆಯಿ ಕಷ್ಟ ಹವ್ಲಾಗ್ಲೆ. ತಸಂಚಿ ಗಂಪು ತೆಚೆ ಆಸ್ಸಾಂಧಾ ಪೂರಾ ಕ್ರಮೇಣ ತ್ಸೋಡಿತು ಆಯಿಲೊ. ತೇ ವಿನಹ ಬೀಡ್ಯೊ ಮಸ್ತ ಒಢ್ಯೆಲೆಲೆವರ್ಠಿ ಆರೋಗ್ಯಯಿ ದಿಸ್ಸಾಂದ್ಯೋಸು ಕ್ಷೀಣ ಹಂತ ಗೆಲ್ಲೆಲೆ ವೆಲ್ಯ ಗಂಪುಚಿ ಸ್ಥಿತಃಪ್ರಜ್ಞತಾಚಿ ಪ್ರಧಾನ ಜಾಲಿ. ವೈದ್ಯಾನ ಕಾಯ್ಲೊ ಗೂಣ ಹೈವೆ ಮ್ಹಣಿ ತೀನ್ಹಿ ವೇಳಾಂಧಾ ತೀನ್ಹಿ ಮಾತ್ರಾ ದಿಧ್ಲ್ಯೊಂತೆ ಗಂಪು ತ್ಯೋ ತೀನ್ಹಿ ಮಾತ್ರಾಂಧಾಯಿ ಎಕ್ಕಾಚಿ ವೇಳಾಂತು ಖಾವ್ನಿ ತ್ಛೋಡ್ಸಲೊ. ಬಾಯ್ಯಾಕಾನ ಹೇ ಕಿಲ್ಹಾ ಅಸ ಕರ್ಸಾ ಮ್ಹಳ್ಳಂತೆ, ಹೆಗ್ಡಾ ದೇ ಕಸಂತರಿ ಎಕ್ಕಾಚಿ ಪೊಟ್ಟಾಲಾ ಜಾಯಿವೆಚ ಮ್ಹಣಿ ತ್ಯಾಚ ತೋಂಡ ಮಿಟ್ಟೈಸಲೊ. ತರಿ ಗಂಪುಲಾ ಶುಗರ್, ಬಿ.ಪಿ. ಮ್ಹಣವೆತ್ಚೆ ಕಾಯಿಲೆ ನತ್ಲೆ. ಲಾಗ್ಗಿ ಲಾಗ್ಗಿ ಸತ್ತರಿ ವರ್ಖವೆರಿ ತಸಲೆ ಆಪ್ಪದಾಂತುಯಿ ಗಂಪು ವಾಂತ್ಚಲೊಸಲೊ ಮ್ಹಳೆ ತೇಚಿ ಸ್ಥಿತಃಪ್ರಜ್ಞತಾಚಿ ಕಾರಣ ಮ್ಹಣಿ ಸಾವ್ಡಸೆ. ಗಂಪು ಹುಶಾರಿ ನತ್ಸಂತಾ ಘರಾಂತು ತ್ಸತಾಯಿ, ಆಸ್ಪತ್ರೆಂತು ಸತಾಯಿ ಜೀವಭಯ ಮ್ಹಣಿ ನತ್ಲ. ತಸಂಚಿ ದೇವಾವರಿ ತ್ಸೋತು, ಮಠ ದೇವಸ್ಥಾನ ಮ್ಹಣವೆತ್ಚ ಶ್ರದ್ಧಾಕೇಂದ್ರ ತ್ಸೋತು ಗಂಪುಲಾ ಭಾರಿ ಶ್ರದ್ಧಾ ನತ್ಲಿ. ತಸಮ್ಹಣಿ ನಾಸ್ತಿಕು ನೋಹೆ. ಸ್ನಾನ ಸಂಧ್ಯಾ ಪೂಜಾ ಮ್ಹಣಿ ಸಂಕ್ಷಿಪ್ತಾಂತು ವೆಚ್ಚಿತ್ಸಲೊ. ಸುಹೇರು ಯೇಂತು ಸೂತಕ ಯೇಂತು ಗಂಪುಲಾ ಭಾರಿ ಸಂತೋಷುಯಿ ನಾಹಿ, ಭಾರಿ ದುಃಖಯಿ ನಾಹಿ. ಪಣ ನಿತ್ಯಯಿ ಸ್ನಾನ, ಸಂಧ್ಯಾ, ಪೂಜಾ ಮ್ಹಣವೆತ್ಚ ಬಂಧನ ನಾಹಿ ಮ್ಹಣಿ ಗಂಪುಲಾ ಖುಷಿಚಿ.   

ಪ್ರಾಪ್ತಿ ತ್ಸಲೆಲೆಂತು ಸಂತೃಪ್ತಿ ಜೀವನ ಗಂಪುಚ. ಗಂಪು ಸಾರಖಲೆ ಆಜಿ ಮಸ್ತ ಉಣೆ ತ್ಸತಿ. ಪಣ ಗಂಪುಚಿ ಮನಸ್ಥಿತಿ ಆರೋಗ್ಯಾಲಾ ಅವ್ವಲಿ ಮ್ಹಣಿ ಮಾಲಾ ಆಜಿ ಸಂಜತ್ಸೆ. ತೇಚಿ ಬೊಲ್ಲಣಿಯಿ ತಸೀಚಿ ತ್ಸಸಲಿ ಡೋಳೆಂತು ಬೋಟ ಘಾಲ್ಲಿಶ್ಶಿ. ಪಣ ಮನಾಂತು ಉರ್ವೊವ್ನಿ ಘೇವ್ನಿ ದ್ಯಸ ಕಟ್ಲೆ ತೋಂಡ ಫುಗ್ಗೊವ್ನಿ ಬೆಸ್ಸವೆತ್ಚ ಪ್ರವೃತ್ತಿಯಿ ನತ್ಲಿ ತೇಲಾ. ಕಿತತರಿ ತೇ ಕ್ಷಣಾಂತು ಮಾತ್ರ. ಗಂಪು ಪಳಾವ್ವೆ ಕಿಡ್ಕಿಡೀತು ಜಾಲತರಿ ತೇಚ ನಕ್ಷತ್ರ ಗೂಣುಕಾ ಗೊಂತುನಾಹಿ.. ಕಸಲೆ ಜೋರಾಚೆ ನಾಂಗರವೆತ್ಚೆ ರೆಡ್ಡೆ ತ್ಸೋತು, ಪಾಡ್ಡೆ ತ್ಸೋತು ತೇಲಾ ಬಗ್ಗಾವಸಲೆ. ಶಿಂಘಾಂತು ಧರ್ನಿ ಘೆತ್ಲಂತೆ ಪುರೆ ತೇಳಿನ ತ್ಸೋಡಿಸ್ತ ಭಾರಿ ಪಾಪ ಹಂತ್ಸಲೆ. ರೆಡ್ಡೆತ್ಚೆ ಬೆಪ್ಪಾ ಇತ್ಲೊಯಿ ಗಂಪು ಘಟ್ಟಿ ನಾಹಿ. ಪಣ ತೇಚ ನಕ್ಷತ್ರಕಾ, ರಾಶಿಕಾ, ಗಣಕಾ ಅಂತು ತೇಂತು ತೋ ವೀರುಚಿ. ಆಜಿ ಕಸಲಿಯಿ ಸಾಧನಕಾ ದುಸ್ಸಾಧನಕಾ ತ್ಸಲಿತರಿ ವಾಟ್ಸಪ್, ಫೇಸ್ಬುಕ್ ಸಾರ್ಖಲಿ  ಮಾಧ್ಯಮ ಯೋಗ್ಯತಾ ಪಕ್ಷಾಯಿ ಅಧಿಕ ಪ್ರಚಾರು ದೇವ್ನಿ, ಪ್ರಚಾರಾಚಿಚಿ ಏಕಿ ಸಾಧನ ಮ್ಹಣವೆಚವೆರಿ ಮನುಷ್ಯಾಲಾ ಅನಿವಾರ್ಯತಾ ಸೃಷ್ಟಿ ಕೆಲ್ಲಿನ್ಸೆ ಮ್ಹಳ್ಳತೆ ಅಧಿಕ ಹಯಿನಾಹಿ..  

ಕಸಲಯಿ ತ್ಸೋತು ತೇ ಕಾಳಾಂತು ಗಂಪು ಸಾರ್ಖಲೆ ಮಸ್ತ  ಬಾಳು, ಸೊನ್ನು, ಬಾಬೆ, ಆಪ್ಪು, ಗುಂಡು, ಬಂಡು, ಕಿಟ್ಟು... ಬಾಬ್ಬಿ, ಸೊನ್ನಿ, ಭಾಂಗಾರಿ, ಬಾಳಿ, ನಾಗಿ, ಪಾರು, ಧಾಕ್ಕುಟಿ ಮ್ಹಣವೆಚಿ ಸಾಮಾನ್ಯ ಮನುಷ್ಯಯಿ ಕೋಣ್ತೆಸೆ ಎಕ್ಕಾ ವಿಷಯೇಂತು ಅಥವಾ ಮಸ್ತ ವಿಷಯೇಂತು ಹುಶಾರ್ ತ್ಸಸಲಿ. ಅವಕಾಶ, ಪ್ರಚಾರ, ಆಸಕ್ತಿ, ಶಿಕ್ಷಣ ಭಾರಿ ಉಣ ತ್ಸಲೆಲೆವರ್ಠಿ ಆಜಿ ಹೆಂಚೊ ಆಠ್ಠೊವು ತೆಂಚೆ ತೆಂಚೆ ಘರ್ಚೆಂಧಾ ಮಾತ್ರ ಗೊಂತು ತ್ಸಲೊತೆ ತ್ಸೇರ... ಅಸಂಚಿ ಇಂಧೆಶಿ ಬೆಸ್ಸೊನಿ ಧಗು ತಾಪ್ಪತಾ ಕೆಲವು ಆಠ್ಠವ ಆಯಿಲೆ. ತೆಂಧಾ ದಿಧ್ಲೆಲ ಅಕ್ಷರರೂಪಚ ಏಕ ಸ್ಮರಣ...  

-ಬಾಲಕೃಷ್ಣ ಸಹಸ್ರಬುಧ್ಯೆ ಮುಂಡಾಜೆ

(ಉಪಯುಕ್ತ ನ್ಯೂಸ್)

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ