ಬೈಕ್ ಮತ್ತು ಬುಲೆರೋ ಡಿಕ್ಕಿ; ಮೂವರು ಸಾವು

 

ದಾವಣಗೆರೆ: ಚನ್ನಗಿರಿ ತಾಲೂಕಿನ ಹೊನ್ನೇಭಾಗಿ ಗ್ರಾಮದ ಬಳಿ ಬೈಕ್ ಗೆ ಬುಲೆರೋ ವಾಹನ ಡಿಕ್ಕಿ ಹೊಡೆದ ಪರಿಣಾಮ ಮೂವರು ಸಾವನ್ನಪ್ಪಿರುವ ಘಟನೆ ವರದಿಯಾಗಿದೆ.

ಅಜ್ಜಯ್ಯ(18)ವರ್ಷ ,ಮಂಜುನಾಥ್ (17)ವರ್ಷ, ದೇವರಾಜ್ (17)ವರ್ಷ, ಮೃತರು. ಬುಲೆರೋ ವಾಹನದ ಟೈಯರ್ ಬ್ಲಾಸ್ಟ್​ ಆದ ಪರಿಣಾಮ ಬುಲೆರೋ ಬೈಕ್ ಗೆ ಗುದ್ದಿದೆ.

ಈ ದುರಂತ ದಲ್ಲಿ ಬೈಕ್ ನಲ್ಲಿದ್ದ ಈ ಮೂವರು ಮೃತಪಟ್ಟಿದ್ದಾರೆ.

ನಗರದ ಮಲ್ಲೇಶಪುರ ನಿವಾಸಿಗಳಾದ ಮೃತ ಯುವಕರು, ಗಣಪತಿ ಪ್ರತಿಷ್ಠಾನ ಕ್ಕೆ ಅನುಮತಿ ಪಡೆಯಲು ಚನ್ನಗಿರಿಗೆ ಹೋಗುತ್ತಿದ್ದರು ಎಂದು ಹೇಳಲಾಗುತ್ತಿದೆ. 

ಇಬ್ಬರು ಯುವಕರು ಸ್ಥಳದಲ್ಲೇ ಮೃತಪಟ್ಟಿದ್ದು, ಮತ್ತೋರ್ವನನ್ನು ಶಿವಮೊಗ್ಗ ಆಸ್ಪತ್ರೆಗೆ ಕರೆದುಕೊಂಡು ಹೋಗುವ ಮಾರ್ಗ ಮಧ್ಯೆ ಮೃತಪಟ್ಟಿದ್ದಾನೆ.