ಒಂಜಿ ಕಡೆಟ್ ಸಾದಿ ಬರಿಟ್ ಮಸ್ತ್ ಗಾಡಿಲು ಉಂತುದುಪ್ಪುವೊ ಅದನಗ ಬೈಕ್ ಡ್ ಬರ್ಪಿನ ಇರ್ವೆರ್ ಪಾತೆರೊಂದು ಬರ್ಪೆರ್ ಮೂಲು ದಾದನ ಆತ್ಂಡ್ ಮಸ್ತ್ ಗಾಡಿ ಉಂಡು ಜನೊ ಸೇರ್ದ್ಂಡ್ ಪಂದ್
ಪಾತೆರೊಂದು ಬನ್ನಗ ಒಂಜಿ ಜನೊ ಸಾದಿಡೆ ಬರೊಂದುಪ್ಪುನಗ ಉಂತಾದ್ ಕೇನುವೆರ್.
ಅಣ್ಣ ಅವುಲು ದಾನೆ ಆತ್ ಜನೊ ಸೇರ್ದಿನಿಂದ್ ಅಯ್ಕ್ ಆ ಜನೊ ಪನ್ಪುಂಡು ಅಲ್ಪ ಆ ಇಲ್ಲದ ಯಜಮಾನೆ ತೀರ್ ಪೋಯೆರ್ ಅಂಚ ಜನೊ ಸೇರ್ದಿನಿಂದ್.
ಅಯ್ಕ್ ಬೈಕ್ ಡ್ ಬತ್ತಿನ ಜವನ್ಯೆರ್ ಪನ್ಪೆರ್ ಅಪಗಾಂಡ ಆರ್ ಮಸ್ತ್ ಎಡ್ಡೆಂತಿನಾರ್ ಆದಿಪ್ಪೊಡು ಇಜ್ಜಾಂಡ ಆತ್ ಜನೊ ಸೇರಿಯರೆಗಿಜ್ಜಿಂದ್.
ಅಯ್ಕ್ ಸಾದಿ ಬರಿಟೆ ತಿಕ್ಕಿನ ಆ ಪಿರಯ ದಿಂಜಿನ ಜನೊ ಪಂಡಿನ ಪಾತೆರ ಇಂಚ...
ಅಂದ್ ಜವನ್ಯೆರೆ ಸೈತಿ ಬೊಕ್ಕ ಈ ಲೋಕೊಡುಪ್ಪುನ ಪ್ರತಿ ಒಂಜಿ ನರಮಾನಿಲ ಮಸ್ತ್ ಎಡ್ಡೆಂತಿನಕುಲು ಅವ್ವೆ ಜೂವೊಡುಪ್ಪುನಗ ಏತ್ ಎಡ್ಡೆ ಬೇಲೆ ಮಲ್ತ್ಂಡಲಾ ಆಯೆ ಬಾರಿ ಎಡ್ಡೆ ನರಮಾನಿಂದ್ ಏರ್ಲಾ ಪನ್ಪುಜೆರ್...
ಸೈತಿ ಬೊಕ್ಕ ಏತೊಂಜಿ ಜನೊ ತೂಯರೆ ಬರ್ಪೆರ್
ಅವ್ವೆ ಜೂವಪ್ಪ ಉಪ್ಪುನಗ ಏರಾಂಡಲ ಈತ್ ಜನೊ ಸೇರ್ದ್ವೆರಾ....
ಜೂವೊಡುಪ್ಪುನಗ ಮಾಮಲ್ಲ ಕನ
ಸೈತಿ ಬೊಕ್ಕ ಬಜೀ ಪುನ
ನಿಕುಲು ದಾದ ಪನ್ಪರ್ ನನ.
ಬಹುಮುಖ ಪ್ರತಿಭೆ
✍️ಬರವು: ಚಂದ್ರಹಾಸ ಕುಂಬಾರ ಬಂದಾರು.
(ಉಪಯುಕ್ತ ನ್ಯೂಸ್)
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
Post a Comment