ಮಂಗಳೂರು: ಪಣಂಬೂರು ಘಟಕದಲ್ಲಿ ನಿವೃತ್ತ ಗೃಹರಕ್ಷಕರಿಗೆ ಅಭಿನಂದನ ಕಾರ್ಯಕ್ರಮವು ದಕ್ಷಿಣ ಕನ್ನಡ ಜಿಲ್ಲಾ ಗೃಹರಕ್ಷಕದಳದ ಸಮಾದೇಷ್ಟರಾದ ಡಾ|| ಮುರಲೀ ಮೋಹನ್ ಚೂಂತಾರು ಅವರ ಅಧ್ಯಕ್ಷತೆಯಲ್ಲಿ ಇಂದು (ಜು.31) ನಡೆಯಿತು.
ಪಣಂಬೂರು ಘಟಕದಿಂದ ನಿವೃತ್ತರಾದ ಗೃಹರಕ್ಷಕ ಶ್ರೀಕಾಂತ್ ರಾವ್ ಅವರು 1984ರ ಅಕ್ಟೋಬರ್ 1 ರಂದು ಗೃಹರಕ್ಷಕದಳ ಇಲಾಖೆಯಲ್ಲಿ ಸೇವೆಗೆ ಸೇರಿದರು. ಇವರು ಸತತವಾಗಿ 36 ವರ್ಷಗಳ ಕಾಲ ಗೃಹರಕ್ಷಕದಳದಲ್ಲಿ ಸೇವೆ ಸಲ್ಲಿಸಿದ್ದಾರೆ. ಕಳೆದ ವರ್ಷ 2020 ರಲ್ಲಿ ಇವರು ನಿವೃತ್ತಿ ಹೊಂದಿರುತ್ತಾರೆ. ಇನ್ನೊರ್ವ ನಿವೃತ್ತ ಗೃಹರಕ್ಷಕರಾದ ಅಬ್ದುಲ್ ಖಾದರ್ ಅವರು 1984ರ ನವೆಂಬರ್ 6 ರಂದು ಗೃಹರಕ್ಷಕದಳ ಇಲಾಖೆಯಲ್ಲಿ ಸೇವೆಗೆ ಸೇರಿದ್ದು, ಇವರು 36 ವರ್ಷಗಳ ಕಾಲ ಗೃಹರಕ್ಷಕದಳದಲ್ಲಿ ಸೇವೆಯನ್ನು ಸಲ್ಲಿಸಿರುತ್ತಾರೆ. ಇವರು ಕಳೆದ ವರ್ಷ 2020 ರಲ್ಲಿ ನಿವೃತ್ತಿ ಹೊಂದಿರುತ್ತಾರೆ.
ಇವರಿಬ್ಬರಿಗೂ ಪಣಂಬೂರು ಘಟಕದ ವತಿಯಿಂದ ನಿವೃತ್ತ ಅಭಿನಂದನ ಕಾರ್ಯಕ್ರಮ ನಡೆಯಿತು. ಈ ಸಂದರ್ಭದಲ್ಲಿ ಶ್ರೀ ನಂದನೇಶ್ವರ ದೇವಸ್ಥಾನದ ಕಾರ್ಯಕಾರಿ ಸಮಿತಿ ಅಧ್ಯಕ್ಷರಾದ ಅನಂತ ಐತಾಳ್, ದೇವಸ್ಥಾನದ ಮಹಿಳಾ ಘಟಕದ ಟ್ರಸ್ಟಿ ಸುಮತಿ, ದೇವಸ್ಥಾನದ ಟ್ರಸ್ಟಿ ವಾಸುದೇವ, ಪಣಂಬೂರು ಘಟಕದ ನಿವೃತ್ತ ಘಟಕಾಧಿಕಾರಿ ಹರೀಶ್ ಆಚಾರ್ಯ, ಪ್ರಭಾರ ಘಟಕಾಧಿಕಾರಿ ಶಿವಪ್ಪ ನಾಯ್ಕ್ ಮತ್ತು ಘಟಕದ ಗೃಹರಕ್ಷಕ ಹಾಗೂ ಗೃಹರಕ್ಷಕಿಯರು ಉಪಸ್ಥಿತರಿದ್ದರು.
Post a Comment