ಬದಿಯಡ್ಕ: ಪರಮಪೂಜ್ಯ ಜಗದ್ಗುರುಶಂಕರಾಚಾರ್ಯ ಶ್ರೀಶ್ರೀರಾಘವೇಶ್ವರಭಾರತೀ ಮಹಾಸ್ವಾಮಿಗಳವರ ಮಾರ್ಗದರ್ಶನದಲ್ಲಿರುವ ಕಾಮದುಘಾ ಯೋಜನೆಯನ್ವಯ ಕಾರ್ಯಾಚರಿಸುವ ಅಮೃತಧಾರಾ ಗೋಶಾಲೆ, ಗೋಲೋಕ, ಬಜಕೂಡ್ಲುವಿನ ಗೋವುಗಳ ಮೇವಿಗಾಗಿ ಹಸಿ ಹುಲ್ಲು ಸಂಗ್ರಹಿಸುವ ಶ್ರಮದಾನವು ಭಾನುವಾರ (ಜು.11) ಎಯ್ಯುರಮೂಲೆ ಶ್ಯಾಮ ಪ್ರಸಾದ ಮನೆಯ ಪರಿಸರದಲ್ಲಿ ಗುರುವಂದನೆ, ಗೋವಂದನೆ ಮೂಲಕ ಜರಗಿತು.
ಮುಳ್ಳೇರಿಯಾ ಮಂಡಲ ಕುಂಬ್ಳೆ ವಲಯದ ಎಯ್ಯುರಮೂಲೆ ಶ್ಯಾಮ ಪ್ರಸಾದ ಭಟ್ ಇವರ ಹುಲ್ಲುಗಾವಲಿನಲ್ಲಿದ್ದ ಹುಲ್ಲನ್ನು ಬಜಕೂಡ್ಲು ಗೋಶಾಲೆಗೆ ಸಾಗಿಸಲಾಯಿತು.
ಕಾಮದುಘಾ ಕಾರ್ಯದರ್ಶಿ ವೈ ವಿ ಕೃಷ್ಣ ಮೂರ್ತಿ, ಮಂಡಲ ಸಂಘಟನಾ ಕಾರ್ಯದರ್ಶಿ ಕೇಶವ ಪ್ರಸಾದ ಎಡಕ್ಕಾನ, ಗುರು ಮೂರ್ತಿ ಮೇಣ ವಿದ್ಯಾರ್ಥಿ ವಾಹಿನೀ ಮಂಡಲಪ್ರಧಾನ, ಡಾ ಮಾಲತಿ ಪ್ರಕಾಶ್, ಕಿರಣ ಕೃಷ್ಣ ಮೂರ್ತಿ, ಈಶ್ವರ ಭಟ್ ಬದಿಯಡ್ಕ ಪಳ್ಳತ್ತಡ್ಕ ವಿದ್ಯಾರ್ಥಿವಾಹಿನೀ ಪ್ರಧಾನ, ವೆಂಕಟಕೃಷ್ಣ ಚೌಕ್ಕಾರ್, ಮಹಾಬಲೇಶ್ವರ ಶರ್ಮ, ನಾರಾಯಣ ಜಿ ಹೆಗಡೆ, ಹರ್ಷಕೃಷ್ಣ ಮೇಣ ಇವರು ಶ್ರಮದಾನದಲ್ಲಿ ಭಾಗವಹಿಸಿದರು.
ಕೋವಿಡ್ ಮಾನದಂಡಕ್ಕೆ ಅನುಸಾರವಾಗಿ ನಿಯಮಪಾಲನೆಯೊಂದಿಗೆ ಕಾರ್ಯಕ್ರಮವನ್ನು ಕಾರ್ಯಗತಗೊಳಿಸಲಾಯಿತು.
(ಉಪಯುಕ್ತ ನ್ಯೂಸ್)
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
إرسال تعليق