ಚಿಕ್ಕಮಗಳೂರು: ಪೈಪೋಟಿಯಲ್ಲಿ ಎತ್ತಿನಗಾಡಿ ಓಡಿಸಿದ ವೇಳೆ ನಿಯಂತ್ರಣ ತಪ್ಪಿ ಪಾದಚಾರಿಗೆ ಡಿಕ್ಕಿ ಹೊಡೆದ ಪರಿಣಾಮ ವ್ಯಕ್ತಿ ಮೃತಪಟ್ಟ ಘಟನೆಯೊಂದು ಚಿಕ್ಕಮಗಳೂರು ಜಿಲ್ಲೆಯ ಅಜ್ಜಂಪುರ ಸಮೀಪ ನಡೆದಿದೆ.
ಮೃತರನ್ನು , ಅಜ್ಜಂಪುರ ತಾಲೂಕಿನ ಅಬ್ಬಿನಹೊಳಲು ಗ್ರಾಮದ ನಿವಾಸಿ ಜಕಣಾಚಾರಿ (49) ಎಂದು ಗುರುತಿಸಲಾಗಿದೆ.
ಅಂತರಗಟ್ಟೆ ಜಾತ್ರೆಗೆ ತೆರಳುತ್ತಿದ್ದ ಎತ್ತಿನಗಾಡಿಗಳು ವೇಗವಾಗಿ ಓಡಿಸಲು ಪೈಪೋಟಿ ನಡೆಸಿದ್ದರಿಂದ ಈ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ.
ಅತೀ ವೇಗದಲ್ಲಿ ಚಲಿಸಿದ ಎತ್ತಿನಗಾಡಿ ಜಕಣಾಚಾರಿಗೆ ಡಿಕ್ಕಿ ಹೊಡೆದು ಉರುಳಿಬಿದ್ದಿದೆ. ಇದರಿಂದ ಗಂಭೀರ ಗಾಯಗೊಂಡ ಜಕಣಾಚಾರಿ ಮೃತಪಟ್ಟಿದ್ದಾರೆ. ರಾಸುಗಳಿಗೂ ಗಾಯಗಳಾಗಿವೆ.
Post a Comment