ಇಂದು ವಿಶ್ವ ಅಂಗವಿಕಲರ ದಿನ

ಸಾಮಾನ್ಯವಾಗಿ ಭಾರತದಲ್ಲಿ ಎಲ್ಲಾ ಹಬ್ಬಗಳಿಗೂ, ವಿಶೇಷ ದಿನಗಳಿಗೂ ಅದರದ್ದೇ ಆದ ಮಹತ್ವವಿದೆ, ಗೌರವವಿದೆ. ರಾಷ್ಟ್ರೀಯ ಹಬ್ಬಗಳಿಗೆ ಇಲ್ಲಿ ಯಾವ ತೆರನಾದ ಪ್ರಾಮುಖ್ಯತೆ ಇದೆಯೋ ಮಾನವೀಯ ಸಂಬಂಧಗಳ ಮಹತ್ವವನ್ನು ತಿಳಿಸುವ ದಿನಗಳಿಗೂ ಒಂದು ವಿಶೇಷವಿದೆ. ಭಾರತ ದೇಶ ಸಂಸ್ಕೃತಿ, ಕಲೆಗೆ ಪ್ರಾಧಾನ್ಯತೆ ಕೊಡುವುದರ ಜೊತೆಗೆ ಸಂಬಂಧಗಳಿಗೂ ಬೆಲೆ ಕೊಡುತ್ತದೆ. ಹೌದು ಅದರಂತೆ ಇಂದು ರಾಷ್ಟ್ರೀಯ ಅಂಗವಿಕಲರ ದಿನ. 

ಅಂಗವಿಕಲರಿಗೂ ಸ್ವಾಭಿಮಾನದಿಂದ ಬದುಕುವ ಹಕ್ಕಿದೆ. ಅದರಂತೆ ಅವರ ಮಹತ್ವ ಜನರಿಗೂ ಗೊತ್ತಾಗಬೇಕು ಎಂಬ ದೃಷ್ಠಿಕೋನದಲ್ಲಿ ಪ್ರತೀ ವರ್ಷ ಡಿಸೆಂಬರ್ 3ರಂದು ಅಂಗವಿಕಲರ ದಿನವನ್ನಾಗಿ ಆಚರಿಸಲಾಗುತ್ತದೆ. ವಿಶ್ವಸಂಸ್ಥೆ 1992ರಲ್ಲಿ ಆರಂಭಿಸಲಾದ ಈ ದಿನಾಚರಣೆ ಇಂದಿಗೂ ನಡೆದುಕೊಂಡು ಬರುತ್ತಿದೆ. ಅದೇನೇ ಆಗಲಿ ಇಂದು ಅಂಗವೈಕಲ್ಯತೆಯನ್ನೇ ಶಕ್ತಿಯನ್ನಾಗಿ ರೂಪಿಸಿಕೊಂಡು ಸಾಧನೆಗೈದ ಅದೆಷ್ಟೋ ಮಹನೀಯರು ನಮ್ಮ ಸುತ್ತಮುತ್ತಲಿದ್ದಾರೆ.  

ಅಂಗವಿಕಲತೆ ಸಮಸ್ಯೆಗಳ ತಿಳುವಳಿಕೆಯನ್ನು ಉತ್ತೇಜಿಸಲು ಮತ್ತು ವಿಕಲಾಂಗ ವ್ಯಕ್ತಿಗಳ ಘನತೆ ಗೌರವವನ್ನು ಕಾಪಾಡಿಕೊಳ್ಳವುದು ಈ ದಿನದ ಮುಖ್ಯ ಉದ್ದೇಶವಾಗಿದೆ. 

ನಿಜವಾದ ಅಂಗವಿಕಲನೆಂದರೆ ಹೃದಯವಿದ್ದೂ ಹೃದಯ ವೈಶಾಲ್ಯತೆ ಇಲ್ಲದಿರುವವನು ಎನ್ನುತ್ತಾರೆ ಕೆಲವರು. ಪ್ರಸ್ತುತ ಸಮಾಜದಲ್ಲಿ , ಸಾಮಾಜಿಕ ಮಾಧ್ಯಮಗಳಲ್ಲೆಲ್ಲ ಅಂಗವಿಕಲರ ಸಾಧನೆ ನೋಡುವಾಗ ರೋಮಾಂಚನವಾಗುತ್ತದೆ. ಆಗ ಇಂತಹ ದಿನಕ್ಕೂ ಸಾರ್ಥಕತೆಯ ಭಾವ ಹುಟ್ಟಿಕೊಳ್ಳುತ್ತದೆ. ಸಮಸ್ಯೆಯನ್ನೇ ಅವಕಾಶವನ್ನಾಗಿ ಮಾಡಿಕೊಂಡು ಸಾಧನೆ ಮಾಡುವ ಯಾರೇ ಆದರೂ ಅವರು ನಮಗೆ ಮಾದರಿಯಲ್ಲವೇ?

(ಉಪಯುಕ್ತ ನ್ಯೂಸ್)

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ