ರಾಯಚೂರು: ಅಕ್ರಮವಾಗಿ ದಾಸ್ತಾನು ಮಾಡಿದ ಸಾವಯವ ರಸಗೊಬ್ಬರ ಪೊಲೀಸರ ವಶ

ರಾಯಚೂರು: ಕೃಷಿ ಹಾಗೂ ಪೊಲೀಸ್ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿ, ಅಕ್ರಮವಾಗಿ ದಾಸ್ತಾನು ಮಾಡಿದ್ದ ಸಾವಯವ ರಸಗೊಬ್ಬರ ಜಪ್ತಿ ಮಾಡಿದ ಘಟನೆಯೊಂದು ರಾಯಚೂರಿನಲ್ಲಿ ನಡೆದಿದೆ. ನಿಯಾಮಾನುಸಾರ ತಯಾರಿಸದ ನಕಲಿ ಸಾವಯವ ಗೊಬ್ಬರ ಇದಾಗಿದೆ.

ಅಫಜಲಪುರದ ರೇಣುಕಾ ಶುಗರ್ ಫ್ಯಾಕ್ಟರಿಯಿಂದ ಕನಕಗಿರಿಗೆ ಗೊಬ್ಬರ ಸಾಗಾಟ ಮಾಡಲಾಗಿತ್ತು ಎಂದು  ಮಾಹಿತಿ ತಿಳಿದು ಬಂದಿದ್ದು, ಈ ವೇಳೆಯಲ್ಲಿ ಮುದಗಲ್ ಕೃಷಿ ಹಾಗೂ ಪೊಲೀಸ್ ಅಧಿಕಾರಿಗಳು ಜಂಟಿ ಕಾರ್ಯಾಚರಣೆ ನಡೆಸಿ, ಮುದಗಲ್ ಪಟ್ಟಣದ ನಾಗಲಾಪೂರು ಗ್ರಾಮದಿಂದ 40 ಕೆಜಿ.ತೂಕದ 462 ಚೀಲ ರಸಗೊಬ್ಬರವನ್ನು ಸಾಗಾಟ ಮಾಡುತ್ತಿದ್ದ ಲಾರಿಯನ್ನು ಜಪ್ತಿ ಮಾಡಿದ್ದಾರೆ.

ರೈತರು ಅಧಿಕೃತ ಅಂಗಡಿಗಳಲ್ಲಿ ಗೊಬ್ಬರ ಖರೀದಿ ಮಾಡುವಂತೆ‌ ಅಧಿಕಾರಿಗಳು ಮನವಿ ಮಾಡಿದ್ದಾರೆ. ಈ ಬಗ್ಗೆ ಮುದಗಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

(ಉಪಯುಕ್ತ ನ್ಯೂಸ್)

Visit: Upayuktha Directory- You get here You want

‘ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ