ಚನ್ನಪಟ್ಟಣ; ಬಿಸಿ ಸಾಂಬಾರ್ ಮಗುವಿನ ಮೈಮೇಲೆ ಬಿದ್ದು, ಮಗು ಸಾವು

 

ಚನ್ನಪಟ್ಟಣ: ರಾಮನಗರ ಜಿಲ್ಲೆ ಚನ್ನಪಟ್ಟಣ ತಾಲೂಕಿನ ದೇವರಹೊಸಹಳ್ಳಿಯಲ್ಲಿ ಬಿಸಿ ಸಾಂಬಾರ್ ಮೈಮೇಲೆ ಬಿದ್ದು ಒಂದೂವರೆ ವರ್ಷದ ಮಗುವೊಂದು ಸಾವಿಗೀಡಾದ ಘಟನೆ ನಡೆಯಿತು.

ದೇವರಹೊಸಹಳ್ಳಿಯ ಚೌಡೇಶ್​ ಮತ್ತು ರಾಧಾ ದಂಪತಿ ಪುತ್ರ ಧನ್ವಿಕ್​. ಸೋಮವಾರ ರಾತ್ರಿ ಮನೆಯಲ್ಲಿ ಮಗು ಗ್ಯಾಸ್​ ಸ್ಟೌವ್​ನ ಪೈಪ್​ ಹಿಡಿದು ಆಟವಾಡುವಾಗ ಸ್ಟೌವ್​ ಮೇಲಿದ್ದ ಸಾಂಬರ್​ ಪಾತ್ರೆ ಮಗುವಿನ ಮೈಮೇಲೆ ಬಿದ್ದಿದೆ.

ಬಿಸಿ ಸಾಂಬರ್​​ ಮೈಮೇಲೆ ಬಿದ್ದು, ತೀವ್ರವಾಗಿ ಗಾಯಗೊಂಡಿದ್ದ ಮಗುವನ್ನು ಮಂಡ್ಯದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

 ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಮಂಗಳವಾರ ಮೃತಪಟ್ಟಿದೆ. 

ಈ ಬಗ್ಗೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.